تضخم البروستاتا الحميد

تضخم البروستاتا الحميد زى ماهو باين من اسمه عبارة عن تضخم فى البروستاتا ينتج عنه قصور في أدائها لوظيفتها، وبسبب القصور ده بيظهر أعراض مؤلمة ومزعجة للشخص المصاب.
البروستاتا هي غدة تناسلية تحيط بالمجري الخلفي للبول عند الرجل.
وظيفة البروستاتا هي إفراز سوائل قلوية لتغذية الحيوانات المنوية ومساعدتها على الحركة و تمكينها من الإخصاب.
عشان كده مشاكل البروستاتا فى حالات كتير بتسبب مشاكل فى العلاقة الجنسية.
حجم البروستاتا الطبيعى بيكون من 14 لـ 25 ، ولو زاد عن كده بيكون مؤشر قوي لوجود مشاكل مرضية فى البروستاتا.

زى ما قولنا قبل كده، الإهمال والتقصير فى صحة الجسم ممكن تسبب مشاكل كبيرة، والإهمال فى علاج القصور اللى بيظهر ممكن يسبب مشاكل أكبر.
لو حسيت بأي عرض من الأعراض اللى قولنا عليها، لازم تروح فورا لدكتور مسالك بولية عشان تتطمن على حالتك.
ولو معملتش كده، هتكون عرضة لأحد المضاعفات دي:
ربما يتكون حصوات داخل المثانة.
ربما تنخفض كفاءة عمل الكليتين الذي قد يؤدي إلي فشل كلوي.
قد يلاحظ المريض في بعض الحالات نزول بضع قطرات من الدم فى البول أو تلون البول باللون الأحمر.

هو مفيش سبب واضح مباشر للموضوع ده، ولكن اتفق الأطباء إن السبب فى تضخم البروستاتا هو التغيرات الهرمونية المصاحبة لتقدم السن.
يعني كل ما سنك بيتقدم، إحتمالية تضخم البروستاتا بتاعتك بتزيد.

أول خطوة تعملها أول ما تلاحظ أي عرض من الأعراض اللى اتكلمنا عليها، هي الذهاب لدكتور مسالك بولية.
وعشان تبقي عارف المفروض دكتور المسالك البولية يعمل 3 حاجات.
الـ 3 حاجات دي هما أساسيات التشخيص اللى أي دكتور اخصائي أو استشاري أو حتي بروفيسور بيمشي عليها، وانت عليك دور كبير فى نجاح التشخيص من عدمه.
1- سماع المريض جيدا
أول خطوة بعد الترحيب، الطبيب المعالج بيقوم بإجراء حوار مع المريض عشان يعرف تفاصيل حالته ويبتدى يخمن ويستبعد الحالات المرضية لحد ما يوصل للحالة المرضية بالظبط، وساعتها بيدخل للخطوة التانية عشان يتأكد من تخمينه أو توقعه.
فى المرحلة دى أنت كمريض لازم تكون صادق جداً وماتكسفش من اي حاجة، وتوصف بشكل تفصيلي ودقيق اللى بتحس بيه، وطبعا ترد على الطبيب بالتفصيل.
2- الفحص السريري
تانى خطوة بيقوم بيها الطبيب هي إجراء فحوصات سريرية للاستقرار على درجة خطورة الحالة بالظبط.
3- الفحص التصويري والمعملي
فى حالات كتير أوى من تضخم البروستاتا الحميد، الدكتور بعد ما بيسمع المريض كويس أوى ، ويعمل الفحص السريري ، بيكون محتاج بعض الفحوص الطبية.
بدل ما تروح للدكتور تستني دورك وفى الاخر يقولك اعمل التحاليل والأشعة دى، هنقولك ايه التحاليل والأشعة اللى انت هتحتاجها.
فحص البروستاتا بالموجات الصوتية عن طريق الشرج (Trans-Rectal Ultrasound (TRUS)
الفحص دة بيساعد الدكتور على قياس حجم الغدة بدقة ونفي أو إثبات وجود أى أورام بالبروستاتا.
و قياس كمية البول الموجود في المثانة قبل التبول وبعد كدة قياس الكمية المتبقية بعد التبول ودة بيعكس حجم الانسداد الموجود في مجرى البول واحتياج المريض للعلاج.
مقياس ديناميكية التبول
الفحص ده بيقيس ضغط وحركية المثانة البولية أثناء التبول و بيقيم كفاءتها وكمان بيساعد على فهم أفضل الاعراض اللي عندك علشان تقدر تختار أفضل طريقة للعلاج المناسب لحالتك.
قياس تدفق البول
في الفحص دة المريض بيقوم بالتبول في وعاء مرتبط بجهاز إلكتروني بيحسب تدفق البول، فلو التدفق ضعيف ده عادةَ بيعكس ضغط على مجرى البول بسبب تضخم البروستاتا.
رنين على الحوض (Pelvis MRI Scan)
هو أدق الإشاعات لقياس حجم البروستاتا قبل التدخل فى مرض تضخم البروستاتا الحميد كما يفيد الفحص في استبعاد وجود اىً أورام بالبروستاتا.
و بيتعمل كمان الفحص بعد الحقن لمقارنة حجم البروستاتا مع قبل الحقن و معرفة استجابة المريض للعلاج.
أشعة بالصبغة على مجرى البول (Intravenous Pyelogram (IVP)
تستخدم الأشعة السينية (X-ray) لفحص المجرى البولي (الكلى، الحالب، المثانة البولية وقناة مجرى البول) لاستبعاد وجود أي انسداد بهذا المجرى ممكن يكون هو المسبب للأعراض دي.
زي الانسداد الناتج عن وجود حصوات بالكلى أو بالمثانة البولية.
ملحوظة : لو تم استبعاد السرطان فإن الرنين المغناطيسي و تدفق البول هما الاتنين مطلوبين قبل عمل انصمام شرايين البروستاتا.

لما نيجي لتضخم البروستاتا الحميد، فـ الجراحة حل سهل على الدكتور لكن عمره ما كان سهل على المريض أبدا.
وفى حالات كتير ممكن تعالج تضخم البروستاتا الحميد بدون جراحة، وبنسبة نجاح أكبر، ومضاعفات أقل، وتقريبا من غير اثار جانبية.
عشان كده علاج تضخم البروستاتا بالجراحة حل غير صحيح بالمرة إلا في حالة واحدة فقط، وهي:
السرطان الخبيث وفي مرحلة متأخرة جداً كمان، بيكون الاستئصال أمر حتمي.
ما دون ذلك من حالات ينفع تتعالج بدون جراحة.
زمان كان علاج تضخم البروستاتا بيكون باستئصال جزء أو كل غدة البروستاتا سواء بالمنظار أو بفتح البطن (عملية جراحية) ولكن الطرق دى كانت بتجور على الجسم، وما كانتش فعالة أوى، وكان لها آثار جانبية، وغير مناسبة لجميع الأعمار وجميع الحالات.

الأشعة التداخلية عبارة عن إجراء غير جراحي بيتم فيه وقف الإمداد الدموى والغذائي عن غدة البروستاتا وبالتالي بتنكمش غدة البروستاتا وحجمها بيتقلص، وده بيحصل تحت تأثير التخدير الموضعي.
يعني علاج تضخم البروستاتا بالاشعة التداخلية بيتم:
بدون جراحة - بدون تخدير.
بدون ترك أعراض جانبية تقريبا إلا أمور طفيفة في بعض الحالات المتقدمة.
بدون الحاجة للبقاء في المستشفى مدة أكبر من 6 ساعات لان التدخل أصلا مش بياخد أكتر من 30 دقيقة.
مناسبة لجميع الأعمار مهما كانت الحالة الصحية (سكر- ضغط …).
لا تؤثر على القدرة الجنسية مطلقا.
والنتائج مجربة وتم إثبات فعاليتها بنسبة نجاح 95%.