تأثير استئصال الرحم على الوظيفة الجنسية والإكتئاب

هل فعلاً عمليات استئصال الرحم من النوع الأول والثاني بتؤثر على القدرة الجنسية وبترفع مستوى الاكتئاب؟

في دراسة عملتها مجلة The LANCET - وهي من أشهر مجلات نشر الأبحاث الطبية وأكثرها مصداقية - علي 56 سيدة تتراوح أعمارهم ما بين 40 إلي 60 تم جمع بياناتهم من خلال مقابلتهم شخصياً قبل 3 شهور من العملية وبعدها، في الوقت ده اهتم الباحثين أنهم يقيسوا مؤشر الوظيفة الجنسية، ومؤشر معدل الاكتئاب.

وعملوا ده علشان يقدروا يقيسوا مدى تطور أو تدهور المؤشرات دي بعد العملية مقارنة بقبل العملية ..

و في الشهر الثالث بعد العملية الجراحية اكتشفوا الباحثين ان فى تحسن فى أعراض التبول بنسبة 17 % إلى 34% ولكن لقوا ان مؤشر الوظيفة الجنسية ومقياس الاكتئاب تدهور تماماً في الفئة العمرية من 40-60!

وبناءً على ده حوالي 70٪ من السيدات اللي استئصلت الرحم عانوا من الاكتئاب الشديد بعد العملية الجراحية، وظهر عليهم أعراض تانية زي الحمى الساخنة، والتعب الشديد.

وأكتشف وقتها الباحثين أن نص المرضى اللي استأصلوا الرحم كانوا بيعانوا من صداع/دوخة و أرق بعد العملية الجراحية، في حين أن كل الأعراض دي أقل بكتير في كتير في النساء اللي أجروا عمليات تانية غير استئصال الرحم!

على الرغم من أن استئصال الرحم وسيلة بتساعد على تحسين مشاكل التبول الناتجة عن الإصابة بأورام الرحم الليفية، الا انها برضه أداه فعاله لزيادة العجز الجنسي و الاكتئاب!

إستئصال الرحم وسيلة بتدمر الأسرة كاملة ..

و إختصاراً لكل ده لازم تعرفي ان إستئصال الرحم مش هو الحل الوحيد لعلاج أورام الرحم الليفية، وبالفعل فى طرق تانية معترف بيها واكتر فعالية تقدر تخلصك من أورام الرحم الليفية زي العلاج بالأشعة التداخلية اللي من اهم مميزاته انه بيخليكي تحتفظي بالرحم ويخليكي كمان تتجنبي كل المضاعفات الخطيرة اللي ممكن تحصل لك نتيجة الإستئصال زي اللي قلنالك عليها في بداية المقال ..

لو عايزة تعرفي ازاي الأشعة التداخلية بتعالج أورام الرحم الليفية بدون جراحة تقدري تشوفي الفيديو ده بنفسك ..

ولو عايزة تعرفى معلومات اكتر متتردديش ابدأ تكلمينا على الارقام دي … او حتي تبعتيلنا رسالة تطمني على نفسك .. كل تمنياتنا ليكي بالصحة والقوة ^_^

شهادات المرضى

دكتور ياسر ناجي ..هو انسان قبل مايكون طبيب انسان بكل ماتحمله الكلمه من معاني .دكتور محترم جداً وعلى درجه عاليه من العلم والاخلاق وامين علي مرضاه واهتمامه بمتابعه مرضاه بعد العمليه وفريق عمل ممتاز، شكرا دكتور ياسر ربنا يحفظك وينفعنا بعلمك.

شيماء النواوي

عياده محترمه من اول ما تدخلها من نظام واستقبال محترم ودكتور ياسر ما شاء الله عليه عالم ومتواضع.

م. محمد الرفاعي

دكتور محترم جدا وامين جدا
روحت ليه علشان حالة غريبه ..رفض التدخل خوفا عليا ورشحلي دكتور اخر
اعتذرلي باسلوب رقيق ومهذب جدا ورجعلي قيمة الكشف
حسيت انى بتعامل معامله راقية جدا
كان ممكن يتدخل في الحاله ويتربح جدا ..وكان ساعتها النجاح والفشل ده نصيب زي كتير من الدكاترة اللي غرضها التربح، لكن هو كان امين جدا ومحترم جدا وبروفيشنال جدا
شكرا د.ياسر، جزاك الله كل خير لحسن معاملتك وامانتك
د.اميرة

د. أميرة العبيدي

من الدكاتره القلائل في مصر اللي عندهم ضمير وحسن استماع وراحه نفسيه للمريض ربنا يباركله انصح بعيادة الدكتور ياسر فيما يشمل تخصصه

احمد كشك

دكتور محترم جدا و فاهم و عياده راقيه و شغلهم منظم جدا و مواعيد مظبوطة و الدكتور بياخد وقت كتير مع الحاله بيفهم الواحد كويس ايه اللي عنده.. نظام زي عيادات الدول المتقدمه و الله

حنان إيجي

تجربتي مع عيادة دكتور ياسر ناجي…
مبسوط جدا من النظافه.. الرقي في التعامل من جميع موظفي العيادة.. من اول الاستقبال.. وغرفه التحضير والاشعه.. وصولا الي الدكتور ياسر ناجي شخصيا..
بصراحه قمه في الأدب والاحترام و الخبرة المهنية في التعامل مع المريض.. الصراحة… واللي مخليني فعلا أشعر بالفخر ان في دكتور وخبير مصري زي دكتور ياسر ناجي.. لديه ضمير عالي جدا ولديه انسانيه في التعامل راقيه لم أشعر بها في معاملات سابقه مع أطباء اخرين.
والموقف اللي اسعدني اكتر – انه رفض ياخد قيمه الكشف – وطلب من موظفه الاستقبال رد قيمة الكشف لي قبل مغادرة العيادة.. ولما طلبت اقابله.. تفضل مشكورا وخرج لغايه مكاني وقالي.. احنا معملناش اي حاجة نستحق ناخد عليها قيمة الكشف.. وأصر على رد قيمه الكشف لنا.. ” على الرغم من انه كشف على ابنتي وتم عمل اشعه على رجلها وتفضل سيادته بشرح الحاله لنا وقدم لنا كافه النصائح الطبية اللازمة”
علما بأن الموضوع بالنسبة لي مش موضوع فلوس فالحمدلله الحال ميسور.. ولكن الفكرة في ان الدكتور ياسر ناجي.. مثال للمصري الذي نفتخر به جميعا واخلاقه وضميره الذي اعتبره درس هام جدا نحتاج جميعا اليه في تلك الفترة..
انا شخصيا استفدت منه.. ولو فضلت اتكلم عن سيادته مش هخلص كلام
ربنا يوفقك دايما.. والف شكر لحضرتك وفريق العيادة بالكامل

احمد سمير

كنت احدى مريضات د ياسر بدبى وانتظرت مجيئه الى القاهره تقريباً سنتين وكنت مستعده لإنتظاره عشر سنين اذا كان لى عمر 😊 وكنت بعيادته بالأمس لعلاج حاله دوالي متقدمه بالقسطرة انا مش هاتكلم عن كفاءته وخبرته وعلمه وطريقه اداؤه لأن كل ده غنى عن الوصف والمدح.

انا هتكلم عن اهم شئ نحتاجه جميعا كمرضى ونفتقده عند معظم الأطباء
وهو (احترامنا كإنسان لنا حق الفهم لاننا ببساطه نحن من نملك هذا الجسد الذى سيتعامل معه الطبيب!!)
دكتور ياسر يعطى مريضه حق الفهم والمناقشه والالمام بأبسط وكل التفاصيل بمنتهى الصبر والبشاشه والتواضع النهارده اليوم التانى وحالتى ممتازه والحمدلله
بشكرك جداً د ياسر على رعايتك ومحبتك.
انا فعلا محظوظه انى احدى مرضاك 🌷

سعدية الشربيني

المكان كان نظيف جدا والتعامل كان فى قمة الاحترام حتى الممرضين كانوا محترمين جدا والكشف كان دقيق و الدكتور كان فى قمة الاحترام

ماجدة منصور

دكتور شاطر جدا علما وخلقا ربنا يبارك فيه ويزيد من علمه، عملت عنده عمليه دوالي الساقين والعملية كانت بدون تدخل جراحى و بسيطه خالص والحمدلله رجعت رجليا احسن من الاول بفضل الله ثم بفضل الدكتور ياسر ، وكل فريق العمل كان متعاون جدا وفى غايه الاحترام ..

مقالات

هل فعلاً عمليات استئصال الرحم من النوع الأول والثاني بتؤثر على القدرة الجنسية وبترفع مستوى الاكتئاب؟

إستئصال الرحم وسيلة بتدمر الأسرة كاملة ..

لو عايزة تعرفي ازاي الأشعة التداخلية بتعالج أورام الرحم الليفية بدون جراحة تقدري تشوفي الفيديو ده بنفسك ..

مقالات شائعة

الأشعة هي عين الطب!

١٥ نصيحة قد تنقذ قدمك من البتر!